Броеви
Откако ги научил да пишуваат едноставни програми, сега Мендо ги учи малите мечиња да решаваат и мааалку покомплицирани алгоритамски задачи.
Конкретно, Мендо им дал на мечињата два природни броја L и R (L ≤ R) и побарал од нив да утврдат кај колку од природните броеви кои се наоѓаат помеѓу L и R (вклучувајќи ги и L и R) цифрите се подредени во растечки редослед (гледано од лево на десно). На пример, кај броевите 1235, 2789, 2578 цифрите се подредени во растечки редослед, додека кај 1111, 1254, 1788, 2011, 2396 и 4321 не се.
Помогнете му на Мендо, кој е премногу зафатен со организацијата на Државниот натпревар по информатика за почетничка група, и решете ја задачата која Мендо им ја дал на малите мечиња. Така, Мендо ќе може да провери дали мечињата навистина ја решиле точно задачата.
Влез
Во првата и единствена линија се запишани два цели броја L и R (1000 ≤ L ≤ R ≤ 9999), кои ги означуваат границите на опсегот.
Излез
На стандарден излез отпечатете кај колку броеви од дадениот опсег (броеви кои се воедно поголеми или еднакви на L и помали или еднакви на R) цифрите се подредени во растечки редослед.
Ограничувања
Временско ограничување: 1 second
Мемориско ограничување: 64 megabytes
Примери
влез 1345 1345 | излез 1 |
влез 1310 1319 | излез 0 |
влез 1233 1245 | излез 7 |
Објаснување за третиот тест пример: Тоа се броевите 1234, 1235, 1236, 1237, 1238, 1239 и 1245.