Наставникот Трпко се досадува дури учениците решаваат тест. Тој одлучува да исцрта искршена линија составена од 4 отсечки со различни должини, на следниот начин: Почнува од една позиција и црта хоризонтална линија во десно. Потоа, од крајот на таа линија црта втора линија вертикално нагоре, па трета линија од крајот на втората хоризонтално во лево. На крај завршува со исцртување на четврта линија вертикално надолу.
Секоја од четирите отсечки треба да биде со должина колку што е еден од 4 замислени броја кои тој ги знае однапред. Со други зборови, секој од четирите замислени броја треба да е должина на една од отсечките.

Помогнете му на наставникот да го избере редоследот на должините, така што да успее да загради правоаголник со најголема можна плоштина. Напишете програма која ја пресметува плоштината на најголемиот правоаголник кој може да се загради од искршената линија.

Влез

Во првиот ред се дадени 4 броја: A, B, C и D (0 < A, B, C, D < 100), замислените броеви од наставникот.

Излез

Во првиот ред отпечатете ја бараната плоштина.

Ограничувања

Временско ограничување: 1 second
Мемориско ограничување: 64 megabytes

Примери

влез
1 2 3 4

излез
3

влез
3 4 3 4

излез
12

Објаснување за првиот пример: Плоштината на најголемиот правоаголник е 3. Еден начин на кој може да се добие тој е кога Трпе прво ќе исцрта хоризонтална линија со должина 4 во десно, потоа ќе исцрта вертикална линија со должина 1 нагоре, потоа хоризонтална линија со должина 3 во лево и на крај вертикална линија со должина 2 надолу (види слика). Со ова исцртување на Трпе ќе се добие правоаголник со страни 3 и 1.

Објаснување за вториот пример: Трпе ќе успее да загради правоаголник со најголема плоштина 12 кога должините на отсечките по редослед се: 3 (десно), 4 (нагоре), 3 (лево) и 4(десно).