Квадрат
Магичен квадрат од n-ти ред претставува квадрат кој содржи n2 цели броеви, така што збирот на броевите во секој ред, колона и двете дијагонала е еднаков. Магичните квадрати им биле познати на кинеските и арапските математичари многуу одамна - преку 4120 години и се верувало дека овие магични квадрати имаат астролошки и други квалитети - па дури се носеле и како талисмани. Еден пример за магичен квадрат од 3-ти ред е:
2 7 6
9 5 1
4 3 8
За квадратот од примерот збирот на сите редови, колони и дијагонали е еднаков на 15. Во оваа задача, ќе разгледуваме магичен квадрат кај кој недостасува еден од броевите - на негово место стои бројот -1. Ваша задача е да напишете програма која ќе открие кој број недостасува.
На пример, доколку во примерот даден погоре на местото на 8 имавме -1, на влез ќе беа дадени следниве податоци:
3
2 7 6
9 5 1
4 3 -1
каде првата 3-ка го означува редот на магичниот квадрат. Во овој случај вашата програма треба да отпечати 8 - бидејќи за да ова биде магичен квадрат треба на местото на -1 да стои 8.
Влез
Во првиот ред е запишан еден цел број N (3 ≤ N ≤ 5), кој го означува редот на магичниот квадрат. Во секој од следните N редови се запишани по N цели броја Мij (1 ≤ Mij ≤ 100 или Mij = -1) кои ги претставуваат броевите од магичниот квадрат. Во секој тест случај, ќе има точно еден елемент од квадратот кој е еднаков на -1.
Во 90% од тест случаите ќе важи N=3, т.е. магичниот квадратот ќе биде од 3-ти ред.
Излез
На стандарден излез отпечатете го бројот кој треба да стои на местото на -1 за да имаме магичен квадрат. Тест случаите ќе бидат направени така што секогаш ќе има точно едно решение R (1 ≤ R ≤ 100).
Ограничувања
Временско ограничување: 1 second
Мемориско ограничување: 64 megabytes
Примери
влез 3 2 7 6 9 5 1 4 3 -1 | излез 8 |
влез 4 4 14 15 1 9 7 6 12 5 -1 10 8 16 2 3 13 | излез 11 |