Messages posted by: igorkulev

Вака, многу ме нервираат "дискусии" од типот кој е подобар. За тие што многу се интересираат и дискутираат за тоа дали тие или некој друг е подобар им советувам да си гледаат за себе и да го трошат времето наместо на вакви бесцелни дискусии на вистинска работа и решавање на задачи.

Навистина ми е жал што гледам колку многу вакви конфликти од типот кој е подобар постојат, не само овде конкретно на форумот. Ви советувам на сите што се замарате со тоа да ги гледате резултатите и да дискутирате само доколку мислите дека нешто е неправедно. Со вакви детски дискусии, буквално детски, не одиме никаде. Да знаете само дека најдобрите програмери се скромни и оставаат нивното знање и талент да зборува за нив. Се надевам дека се стремите да бидете вакви програмери.

Не сакам да ги користам можностите што ги имам како модератор, ама ако видам вакви дискусии во иднина нема да се мислам да им направам delete на отворените теми.

Се извинувам за неодржаниот месечен натпревар (април). Јас требаше да ги спремам задачите. Имам многу обврски на и околу факултетот и немам време да го средам добро натпреварот, а да правам набрзина нешто не сакам... ако веќе правам сакам добро да биде спремано, и за задачи (што поуникатни и поинтересни тоа подобро) што треба да бидат на ниво сепак, и за анализа на проблемите, сепак сакам нешто сите да научите од нив (а и јас да научам повеќе при спремањето на задачите). Не гарантирам кога ќе следи натпревар што ќе го организирам јас, навистина ако имам време ќе се потрудам, но не верувам ни дека во мај ќе можам да направам нешто... во меѓувреме ако има некој друг од модераторите што сака и може да организира натпревар може да се случи некој натпревар.
Се извинувам уште еднаш
Поздрав
Игор

Натпревар во програмирање наменет за студенти. За разлика од ИОИ, овде има повеќе задачи (обично 9) и се решава тимски, тимот се состои од тројца. Повеќе информации на http://en.wikipedia.org/wiki/ACM_International_Collegiate_Programming_Contest и http://cm.baylor.edu/welcome.icpc

Постои. Да не се повторувам, мислам дека Nocturine има добро објаснето. Алгоритмот работи во линеарно време.

Мислам дека не е правилно да се објавува код овде на задача која се наоѓа во тренинг делот, тоа е пракса на сите online judges.
Можам само малку да помогнам. Во секој случај решението е со динамичко програмирање. До секоја позиција се проверува бројот на комбинации и така се изминува цела низа од знаци. Да дефинираме, opt[i] ни претставува број на комбинации до одреден карактер (вклучувајќи го и тој карактер), а m[i] ни е i-тиот член (карактер) на влезната низа.
Да ја разгледаме позицијата i.
Ако стрингот од два карактери m[i-1]+m[i] претставува валиден број од 1 до 26 тогаш opt[i] += opt[i-2]. Тој број може да биде составен и само од една цифра... Ова е hint. Се надевам ќе ти помогне да ја сфатиш логиката.
Поздрав

http://hs.spoj.pl/
Сајт каде што секој месец има нови задачи. Претставува "програмерска лига" каде што учествуваат средношколци. Повеќе можете да видите во правилата. Во секој случај задачите се полесни од задачите на некои стандардни натпревари иако мислам дека се предизвикувачки доволно. Можете да видите процент на решеност за да почнете од најлесните. Се надевам ова некако ќе им ги задоволи желбите на тие што сакаат почесто да се одржуваат натпревари

А има и многу други сајтови, не е само овој.

Здраво и од мене,
јас сум Игор Кулев, и сум студент на Факултетот за Електротехника и Информациски Технологии, Скопје.
Исто како и Бојан, поранешен натпреварувач на натпреварите по информатика, и модератор на системов.
Оптимист сум во врска со овој сајт и се надевам дека ќе придонесе кон поголема популаризација на информатиката.

Чекајте, уште е загревање, не се брзајте, ќе има и пократко време и потешки задачи, се со ред