Календар
Напишете програма која од стандарден влез (тастатура) ќе прочита два цели броеви M и G, кои означуваат одреден месец и година - соодветно, и на стандарден излез (екран) ќе отпечати колку денови имал/има/ќе има месецот M во годината G.
Притоа, треба да знаете дека месеците јануари, март, мај, јули, август, октомври и декември имаат по 31 ден, месеците април, јуни, септември и ноември имаат по 30 денови, додека месецот февруари има 28 или, доколку годината G е престапна, 29 денови.
За една година G велиме дека е престапна доколку:
- G е деливо со 400, или
- G е деливо со 4, но не е деливо со 100
На пример, годините 1800, 1900 и 2003 не се престапни, додека 1600, 2004, 2008 и 2012 се престапни.
Влез
Во првата и единствена линија се запишани два цели броеви: М (1 <= M <= 12) и G (1000 <= G <= 9999), кои означуваат одреден месец и година, соодветно.
Излез
Излезот се состои од бројот на денови кои ги имал/има/ќе ги има месецот M во годината G.
Ограничувања
Временско ограничување: 1 second
Мемориско ограничување: 64 megabytes
Примери
влез 2 2000 | излез 29 |
влез 2 2004 | излез 29 |
влез 5 2011 | излез 31 |
влез 2 1000 | излез 28 |
влез 9 8050 | излез 30 |