Да ја разгледаме следнава мрежа, составена од бесконечен број на точки (темиња на триаголници), како што е прикажано подолу:

Забележете дека доколку ги обележиме сите темиња со соодветен број (од лево на десно, и од горе надолу), тогаш со групирање на темињата можеме да формираме геометриски фигури. На пример, групите 1,2,3 и 7,9,18 формираат триаголници, групите 11,13,26,24 и 2,7,9,18 формираат паралелограми, групите 4,5,7,9,12,13 и 8,10,17,21,32,34 формираат шестоаголници итн...

Ваша задача е да напишете програма која од датотека ќе прочита неколку групи од точки, ќе ги анализира и ќе отпечати дали точките од некоја група претставуваат темиња на една од следниве три "прифатливи" геометриски фигури: триаголник, паралелограм и шестоаголник. Притоа, една фигура е "прифатлива" доколку:

1. сите нејзини страни се поврзани со врски во мрежата (пр., 1,4,6 е триаголник; но 1,5,6 не е триаголник, бидејќи не постои врска помеѓу 1 и 5)
2. сите нејзини страни се со еднаква должина (пр., 4,5,7,8 е паралелограм; но 4,6,7,9 не е паралелограм)

Влез

Во првиот ред се наоѓа еден цел број N (1<=N<=20), бројот на групи. Во секој од следните N редови се наоѓа по еден цел број Xi (3<=Xi<=8), бројот на точки во i-тата група, и Xi цели броеви помали од 32767, броевите на темињата од таа група.

Излез

Излезот се состои од N редови во кои треба да отпечатите "TRIAGOLNIK" (доколку темињата формираат триаголник со еднакви страни), "PARALELOGRAM" (темињата формираат паралелограм со еднакви страни), “SESTOAGOLNIK” (темињата формираат шестоаголник со еднакви страни) или "NISTO".

Вашата програма треба сама да заклучи (според бројот на точки во секоја група) која геометриска фигура е потенцијално претставена со таа група од точки.

Ограничувања

Временско ограничување: 1 second
Мемориско ограничување: 64 megabytes

Примери

влез
5
3 1 2 3
4 11 13 24 26
5 1 2 3 4 5
4 11 23 13 25
3 3 2 5

излез
TRIAGOLNIK
PARALELOGRAM
NISTO
NISTO
TRIAGOLNIK