Емил е еден од најдобрите асистенти на ФИНКИ. За подобро да го разберат, Емил применува техника на предавање по слајдови наречена "напред-назад". Уште повеќе, за да биде сигурен дека сите слушнале и разбрале, Емил понекогаш ја применува техниката двапати по ред.

На пример, за да предаде три слајдови ABC, тој всушност на часот може да ги предава слајдовите на следниот начин: ABCCBAABCCBA (ABC, па тој дел кажан обратно, па се тоа повторено уште еднаш). Сепак, за најдобрите студенти тоа понекогаш е досадно и таквото повторување почнале да го именуваат како "верглање".

Напишете програма која ќе ја утврди должината на најдолгото верглање за одредена лекција. Должина на едно верглање е бројот на слајдови на делот од предавањето во форма XYXY (каде Y е обратната текстуална низа од X). На пример, за лекцијата PERREERREERREABC, резултатот е 8 (должината на ERREERRE). За лекцијата ABCDDCBAEF, резултатот е 0.

Влез

Во првиот и единствен ред е запишана една текстуална низа S, составена само од големите латинични букви 'A'-'Z', која го означува предавањето на Емил. Должината на текстуалната низа нема да биде поголема од 250000.

Излез

Отпечатете ја должината на најдолгото верглање.

Ограничувања

Временско ограничување: 1 second
Мемориско ограничување: 64 megabytes

Примери

влез
PERREERREERREABC

излез
8

влез
ABCCBAABCCBA

излез
12

влез
ABCDDCBAEF

излез
0

влез
AAAA

излез
4