За време на летото многу Скопјани одат на врвот на Водно со жичарницата Милениумски крст. Многу често тие одат во групи, и секоја група на луѓе заедно чекаат ред пред влезот на жичарницата.

Пред влезот на жичарницата има N групи на луѓе кои чекаат во редица. Притоа, i -тата група во редицата се состои од A_i луѓе. Во секоја минута пристигнува празна гондола во која има точно M слободни места. Како што е редот, првата група во редицата на чекање влегува прва во гондолата, потоа влегува втората група, и така натаму. Редоследот на групите никогаш не се менува, и доколку во пристигнатата гондола нема место за сите луѓе од групата, тогаш таа група ја чека следната гондола, заедно со сите групи кои се наоѓаат по неа во редицата.

Ваша задача е да пресметате со колку гондоли ќе се пренесат сите групи од редицата.

Влез

Во првиот ред се дадени два цели броја N и M (1 ≤ N, M ≤ 100), разделени со едно празно место, кои го означуваат бројот на групи во редицата и капацитетот на една гондола, соодветно.
Вториот ред содржи N цели броеви: A₁ , A₂ , ... A_N (1 ≤ A _i ≤ M), разделени со по едно празно место, кои го означуваат бројот на луѓе во i-тата група од редицата, соодветно.

Забелешка:
За 20% од поените во редицата има точно три групи т.е. N=3.
За дополнителни 20% од поените во сите групи има ист број на луѓе т.е. A₁ =A₂ =...= A _N.

Излез

Единствената линија од излезот треба да го даде бројот на гондоли кои се потребни за да се пренесат сите групи од редицата.

Ограничувања

Временско ограничување: 1 second
Мемориско ограничување: 64 megabytes

Примери

влез
4 3
2 3 2 1

излез
3

влез
6 4
1 3 2 3 4 1

излез
5

Објаснување за првиот тест пример: Четирите групи може да се пренесат со три гондоли на следниов начин: (2) (3) (2 1).
Објаснување за вториот тест пример: Единствени групи кои ќе се возат во иста гондола се првите две, додека сите други групи ќе се возат во посебни гондоли: (1 3) (2) (3) (4) (1).