жучко wrote:Секоја година, истите натпреварувачи кои учествуваат на натпреварите по Информатика, учествуваат и на натпреварите по Физика и Математика. Многу често се случува некој од овие натпревари да се одржуваат во истиот ден, што ги оневозможува дел од учесниците од едниот натпревар да учествуваат на другиот. Минатата година државниот натпревар по информатика и регионалниот натпревар по математика се поклопуваа во истиот ден (Јас како учесник и на двата натпревари, се натпреварував дел од натпреварот по математика, и веднаш одев на натпреварот по информатика, со што значително ми ги намали резултатите). Оваа година регионалниот натпревар по Информатика се поклопува со регионалниот натпревар по Физика(Со што повторно ќе ме оневозможи мене, како и други натпреварувачи да учествуваме и на двата натпревари), а можно е и повторно да се поклопат натпреварите по Математика и Информатика. Јас немам решение за овај проблем, па би ги замолил надлежните и организаторите на овие натпревари да се консултираат меѓусебно.

Се согласувам за ова, и го препратив твоево барање на посоодветно место.
Сепак, не си во право дека не се консултураат меѓусебно (барем колку што јас знам, се гледа да нема поклопување), но има голем број на предмети и активности (регионален основно, регионален средно, .... итн), а мал период за да се организираат сите тие. Сега мислам дека се испраќаат плановите и календарите за натпреварите и до Министерство, така да веројатно постојат уште повеќе проверки (не сум директно вклучен за да знам точно колку - ова е од моја комуникација со некои од нив). Не се само математика и физика, секогаш ќе се најде барем еден ученик кој што има некоја друга обврска.