scanf ili cin/cout

Дали е подобро да се користи scanf/printf или cin/cout?

Кај повеќето решенија се користи cin/cout, така да претпоставувам дека тоа е полесно, ама па scanf треба да е побрзо.

Ретки се задачите каде што се читаат толку многу податоци за да читањето/печатењето одзема најголем дел од времето во нашите решенија. На некои натпревари дури не ни има читање/печатење на податоци од влез, туку податоците ни се дадени како аргументи на некоја функција која што треба да ја имплементираме.

Доколку има задачи каде што треба да се читаат стотици мегабајти од податоци, најчесто ќе ни биде наведено во задачата да внимаваме. Ако сакаш да користиш cin/cout во тој случај, можеш да ги искористиш следните две наредби на почетокот на програмата (за исклучување на синхронизација бидејќи ретко користиме и scanf/printf и cin/cout во иста програма, и cin/cout да не чекаат еден на друг). Можеш повеќе информации да најдеш на Google ако те интересира (да бараш "sync_with_stdio cin.tie". "scanf/printf vs cin/cout" итн).