Перо и Емил играат интересна игра со броеви. Како дел од играта, тие имаат неколку карти на кои се запишани цифрите од 0-9 (една цифра на една карта). Целта на играта е да се создаде најголемиот можен број, користејќи ги цифрите напишани на картите, но кој не содржи две соседни цифри кои се со иста парност (т.е., не смеат двете цифри да бидат парни, или двете да бидат непарни).

(Забелешка: За еден цел број велиме дека е парен доколку тој се дели со 2. Во спротивно, за бројот велиме дека е непарен. Бројот 0 е парен број).

На пример, користејќи ги картите со цифри 1, 2 и 3, може да се состават броевите 1, 2, 3, 12, 21, 23, 32, 123 и 321 но не 13, 31, 132, 213, 231 или 312 (бидејќи не е дозволено тие да имаат две непарни цифри [1 и 3] една до друга). Слично, користејќи карти со цифрите 6, 8, 7 и 8, може да се состават броевите 67, 678, 878, итн, но, на пример, не и бројот 8786 (бидејќи тој содржи две парни цифри кои се наоѓаат една до друга).
Бидејќи Перо многу сака да го победи Емил, тој одлучил да побара од вас да напишете програма која ќе го најде и отпечати најголемиот број кој може да се состави (според текстот на задачата прикажан погоре).
Влез
Во првата линија се наоѓа еден цел број N (1 <= N <= 8 ), кој го означува бројот на карти. Во втората линија се наоѓаат N цели броеви (0-9), одделени со по еден знак за празно место, кои ги означуваат цифрите запишани на картите.
Излез
Отпечатете го најголемиот број кој може да се состави користејќи ги цифрите запишани на картите.