На МЕНДО можете да научите како да решавате задачи со програмскиот јазик C++ (преку предавањата кои се дадени на системот), да вежбате од делот тренинг, но и да учествувате на официјалните натпревари организирани од страна на Здружението на Информатичарите на Македонија – и, преку тоа, да бидете дел од екипите кои ја претставуваат Македонија на повеќе меѓународни натпревари од оваа област.

Притоа, во правилата кои се објавени од страна на Здружението, како и во предавањата дадени на системот, се споменува дека можете да ја користите околината Code::Blocks за пишување на програми. Оваа околина, покрај тоа што истата ќе биде поддржана (инсталирана) на компјутерите за време на официјалните национални натпревари, се користи и е поддржана и кога се учествува на некој меѓународен натпревар.

Но, кога работите од дома и решавате задачи, слободно можете да користите и други околини - бидејќи кога системот го оценува решението, единственото нешто што треба да прикачите е програмскиот код за истото. Една од околините која што е најдобра во оваа ситуација е Visual Studio Community, од Microsoft. Бидејќи и во оваа околина ќе имате код напишан во програмскиот јазик C++, истиот би работел без проблем како на системот МЕНДО, така и доколку тој код потоа го внесете во Code::Blocks и слично (се разбира, се додека не користите некои специфични наредби кои можеби се поддржани од еден компајлер, но всушност не се дел од C++ стандардот).

Инсталирање на околината#

Чекорите за инсталација се дадени во продолжение:

• Отидете на https://www.google.com и внесете термин за пребарување “visual studio community”
• По ова, ќе добиете информација од каде можете да го преземете овој софтвер. Кликнете на првиот линк (резултат од Google), по што ќе дојдете на соодветниот веб-сајт од каде можете да го преземете Visual Studio Community.
• Кликнете на копчето за преземање (како што е прикажано на сликата погоре), по што на вашиот систем ќе добиете извршна .exe датотека, која што само треба да ја стартувате за да почнете со инсталација на софтверот.
• При инсталацијата, ќе бидете прашани што (подетално) сакате да работите со помош на Visual Studio. Осигурајте се дека ќе го означите полето именувано како “Desktop development with C++”, па притиснете “Install”. (Доколку сакате, можете да одберете и дополнителни работи за инсталација)
• По завршување со постапката, ќе следи рестартирање на вашиот компјутер, по што веднаш можете да продолжите со користење на новата Интегрирана Развојна Околина.

Пишување на вашата прва програма#

Понатаму, искористете ги следните чекори за пишување на вашата прва програма:

• Од горното мени, одберете File -> New -> Project.
• Од левата страна, осигурајте се дека е одбрано Visual C++, а потоа од десно можете да селектирате “Empty Project”.
• Како име (Name), во долниот дел од прозорецот, внесете “FirstProject” или нешто слично (по ваш избор). Притиснете на копчето “OK”.
• Сега, од десната страна треба да има дел кој што се вика “Solution Explorer”. Тука, во делот Source Files, притиснете на десното копче од глувчето, па Add -> New Item.
• Одберете “C++ File (.cpp)” и притиснете “Add”.

Со тоа, дојдовме до дел каде што можеме да почнеме да пишуваме програми. На пример, нека во главниот прозорец каде што сега можеме да напишеме програмски код, го внесеме следното:

C++#

#include <iostream>
using namespace std;


int main()
{
	int a, b;
	cin >> a >> b;

	int sum = a + b;
	cout << sum << endl;
	return 0;
}

Сега, поставете Breakpoint кај наредбата “return 0;” со притискање на левото копче од глувчето лево од бројот на линијата каде што се наоѓа наредбата, како што е прикажано на сликата. Потоа, веднаш можете да ја извршите програмата со притискање на копчето “Local Windows Debugger”; или посебно да ја преведете преку одбирање на Build -> Build Solution (од горното мени), и потоа да ја извршите со Debug -> Start Debugging.

Забележете како, при debugging, можеме да го поставиме глувчето над некоја променлива, за да ја видиме вредноста запишана таму. За да завршиме со извршување на програмата, може да притиснеме на копчето Continue. (Имајте предвид дека во овој пример поставивме само еден breakpoint, кај return 0, но во иднина можете да поставувате и повеќе.)

Користење на стандардот C++11#

C++#

    int sum = a + b;

C++#

    auto sum = a + b;

Доколку сега се обидете да ја извршите оваа програма, ќе видите дека таа повторно успешно ќе се преведе и успешно ќе го отпечати точниот резултат.

За крај#

Овие разлики се однесуваат, пред се, на одредени “трикови” кои всушност и не се дел од програмскиот јазик C++. На пример, наредбата “#include <bits/stdc++.h>” не можеме да ја користиме при извршување на програми во Visual Studio, но истата функционира без проблеми при преведување на програмите со gcc/g++ во Code::Blocks. Кај повеќето програми, воопшто нема да имате вакви проблеми.