Ваши сугестии / идеи / забелешки

Pedobear ќе привлече повеќе млади ученици кон програмирањето, што е и целта на самиот проект

А тебе таа работа значи те привлекла на програмирање, а?

Неколку идеи што ги имам одамна и работи што би сакал да постојат на МЕНДО:

1. Да има едиторијал после секој натпревар, како на topcoder. Зошто? Секогаш постои задача/и чиј алгоритам голем дел од натпреварувачите не го сретнале дотогаш. Би било добро да се овозможи учење на нови работи после секој натпревар. Или пак, идеја или техника на решавање на одредена задача од натпреварот чие претставување би му овозможило на натпреварувачот да добие поголемо знаење и идеи кои би ги искористил во понатамошното решавање.

2. Да може да се гледаат решенијата од другите натпреварувачи. Зошто? Прва работа, тој што е тука за да учи и напредува, знаеме дека прво би се потрудил колку што може со цело свое знаење да реши одредена задача. Нема логика да не се даваат кодови ради тоа што некој би чекал се на готово. Тој што сака да научи, ќе научи, тој што сака само да копира, се знае. Имајќи увид во кодот од другите, сите можат да учат еден од друг и да напредуваат заедно.

3. Тагови за решението на секоја задача. Класификација на задачите. Динамичко програмирање, графови, binary search, математика, итн.

4. Посебен дел каде што сите би можеле да напишат туторијал и да претстават дел од своето знаење и искуство и да придонесат за поголем развој на МЕНДО. Незнам колкава би била заинтресираноста за ова, но доколку би имало такво нешто и би профункционирало би било супер.

5. Овозможување на донации за секој кој би бил спремен да донира за МЕНДО. Средствата би можеле да се искористат за многу работи. Прва работа што ми паѓа на памет предизвикана од претходната идеја, награди како стимулација за тие што придонесуваат за развој на туторијал секцијата на МЕНДО.

6. Организирање на собири, запознавање на натпреварувачите, дружење, итн. Малку чудна идеја и многу тешко изводлива али би сакал само да ја споменам

Поздрав.

shellcode wrote:Неколку идеи што ги имам одамна и работи што би сакал да постојат на МЕНДО:

....

Интересни идеи. Ќе разгледаме. Генерално, во план ни е од следната година натпреварите да се организираат преку друг систем, така да ќе видиме што од ова може да се имплементира таму.

Уште нешто што заборавив: Би сакал да се организираат собири, нешто како работилници каде што членовите би имале можност да презентираат дел од своето знаење и искуство, специфични алгоритми, техники, идеи, задачи и слично. Би било добро да се формира атмосфера за групно решавање и дружење во исто време. Поздрав.

Би било убаво кога би можеле и Вие да повикате учесници на натпреварите според активноста и успешноста на ученикот во решавањето на задачите на вашиот сајт. Вака, учеството на натпреварите зависи единствено од заинтересираноста на наставниците во училиштата. Без оглед дали некој ученик е заинтересиран да земе учество, без оглед дали е навлезен во информатиката повеќе од другите или едноставно сака да си го провери знаењето во областа на програмирањето, сето тоа е оставено единствено на добрата волја на наставниците. Во мојот град, за жал, нема ваква заинтересираност. Можеби треба да се потрудите и да го направите помасовно и на пониски нивоа, како што е математиката на пример. Да се организираат училишни па општински па регионални па државен натпревар. Има деца кои сакаат да земат учество во овие натпревари но едноставно немаат таква можност. Можете барем да организирате работилници и школи во време на летен или зимски распуст кога би имало поголема посетеност. Поздрав!

Да се направи на мендо.мк на пример за секоја задача да покажува од каков тип е на пример : Дали задачата се решава со ДП , дали е задачата е само математичка, дали се задачата е со Графови итн итн нешто како http://prntscr.com/hrh2g6

Надоградба на компајлерот C++ ставете GNU GCC 7.2.0 има многу нови работи

Perez wrote:Надоградба на компајлерот C++ ставете GNU GCC 7.2.0 има многу нови работи

Тоа најчесто го правиме пред почетокот на натпреварите (таму некаде во февруари), за да не ја менуваме верзијата секој месец.
Инаку да, добра идеја.

This message was edited 2 times. Last update was at 06/01/2018 15:22:48

Сугестија : Текстовите на задачите да се што пократки и појасни ( да го нема оној дел кај пример „Мендо и неговите мечињаа дрн дрн си играле со бројки“ ), многу пати со професорот кога решаваме задачи се откажуваме од вакви задачи кај што пола текст е само тоа , бараме кај што се кратки и јасни и прецизни барањата, бидејќи не знам за другите али за мене кажувам дека многу губам време додека ја разберам задачата.
eve primer kade sto jas resavam:

http://prntscr.com/hwu62o
http://prntscr.com/hwu6gj

Perez wrote:Сугестија : Текстовите на задачите да се што пократки и појасни ( да го нема оној дел кај пример „Мендо и неговите мечињаа дрн дрн си играле со бројки“ ), многу пати со професорот кога решаваме задачи се откажуваме од вакви задачи кај што пола текст е само тоа , бараме кај што се кратки и јасни и прецизни барањата, бидејќи не знам за другите али за мене кажувам дека многу губам време додека ја разберам задачата.

Го разбираме барањево, но МЕНДО е делумно систем за учење а делумно систем за спроведување на натпревари. На меѓународни натпревари постојат и (многу) подолги задачи, така да всушност идејата е да има некаков баланс - и кратки задачи и малку посложени.
Инаку, како (поранешен) натпреварувач, се сложувам со тебе дека пократките задачи се поубави.

Дали може да го апдејтирате jdk барем до Java 8 за да може да го користиме Stream API-то ?

Tose Todorov wrote:Дали може да го апдејтирате jdk барем до Java 8 за да може да го користиме Stream API-то ?

Здраво, ќе се консултирам, ама не сум сигурен дека ќе биде до септември (кога ќе има и многу други промени на МЕНДО, друг начин на извршување и слично).
Едноставно, на натпреварите не се користи тој јазик, предавањата и слично се поврзани со C, C++ или Паскал, така да не е некој приоритет - на жалост.
Инаку, направив еден брз експеримент да пребарам во сите Јава решенија колку луѓе пробале да користат streams, labmda и слично во Јава, и бројот е исклучително мал, така да поради тоа пишав дека можеби нема да биде приоритет.

Фала за сугестијата во секој случај. Ќе споделам тука ако има некој update.