Кога ја нашол волшебната ламба, Влатче добил ветување од духот во ламбата дека ќе му даде N дрва на кои растат гумени бонбони. Влатче има време да обере само едно дрво во тек на еден ден. Ако тој го обере i-тото дрво ќе обере точно А_i гумени бонбони.

Откако дрвото ќе биде обрано на него повторно почнуваат да растат ист број гумени бонбони како и претходно, ама потребни се точно K дена за тие да стасаат (озреат).

Влатче решил да однесе од гумените бонбони на следниот натпревар по информатика и да ги почести сите натпреварувачи. До натпреварот има уште D денови. Тој знае кое дрво колку гумени бонбони дава, ама може да се договори со духот за K, т.е. колку денови да се потребни за откако ќе го обере дрвото да стасаат следните бонбони за берење.

К не смее да е ептен мало, оти духот нема да прифати. Затоа помогнете му на Влатче да пресмета која е најголемата вредност на K за која можно да се оствари неговиот план за собирање на барем P бонбони, во следните D денови.

Отпечатете го најденото K. Ако не постои такво K, отпечатете „-1”. Доколку за која било вредност на K, тој може да набере P бонбони, за D денови, отпечатете „seedno“.

Влез

Првата линија се состои од три цели броеви: N (1 ≤ N ≤ 100 000), P (1 ≤ P ≤ 10 000 000 000 000 000) и D (1 ≤ D ≤ 100 000).
Втората линија се состои од N цели броеви: броевите A_i на гумени бонбони за секое од дрвата (1 ≤ A_i ≤ 1 000 000 000).

За тест примери кои носат 1/3 од поените ќе важи: 1 ≤ N, D ≤ 1 000.

Излез

Во единствениот ред на излезот отпечатете го K. Ако не постои такво K отпечатете „-1”. Доколку за која било вредност на K, тој може да набере P бонбони, за D денови, отпечатете „seedno“.

Ограничувања

Временско ограничување: 200 milliseconds
Мемориско ограничување: 64 megabytes

Примери

влез
2 5 4
1 2

излез
2

влез
2 20 10
100 10

излез
seedno

влез
3 100 3
7 2 6

излез
-1