На една долга улица има N куќи наредени во ред и означени со броевите од 1 до N, по редослед. Бидејќи сите куќи се бели, двајцата молери Плавко и Жучко ќе бојадисуваат куќи за да ја разубават улицата.

Плавко ќе ја бојадиса секоја 4-та куќа со сина боја (значи, куќите со број 4, 8, 12…), а Жучко ќе ја бојадиса секоја 5-та куќа со жолта боја (значи, куќите со број 5, 10, 15…).

Ако куќата е бојадисана со двете бои, таа ќе биде во зелена боја. Така, после бојадисувањето, ќе има бели, сини, жолти и зелени куќи.

Вие, после бојадисувањето, треба да утврдите:
1) Колку од куќите ќе бидат зелени?.
2) Колку сино-жолти парови куќи има? Сино-жолт пар куќи се две соседни куќи од кои првата (таа со помал број) е сина, а втората е жолта.

Влез

Во еден ред е даден еден цел број N, бројот на куќи на улицата (5 ≤ N ≤ 10 000).

Излез

Во еден ред да се отпечатат два цели броја: Z (бројот на зелени куќи) и P (бројот на сино-жолти парови куќи), разделени со едно празно место.

Ограничувања

Временско ограничување: 100 milliseconds
Мемориско ограничување: 64 megabytes

Примери

влез
20

излез
1 1

Објаснување на првиот пример.

На почеток куќите се бели:
#################### (Тука со # се означува бела куќа).
Откако Плавко ќе си ја заврши работата, куќите ќе изгледаат:
###B###B###B###B###B (Тука со B се означува куќа бојадисана со сина боја).
Отако Жучко ќе си ја заврши работата, куќите ќе изгледаат:
###BY##B#Y#B##YB###G (Тука со Y се означени куќите со жолта боја, додека со G се означени куќите со зелена боја).
Како што може да се види од финалната слика на куќите, обоена е точно една куќа со зелена боја па затоа Z = 1, додека пак куќите на позиции 4 и 5 се единствени една до друга каде што првата е со сина додека втората е со жолта боја, односно има еден сино-жолт пар, па затоа P = 1.