Да го разгледаме зборот AAAACCCCCDDDD кој се состои само од големите латинични букви 'A'-'Z'. Овој збор е со должина 13. Бидејќи се состои само од букви, повеќекратните букви можат да се заменат со фактор на кратност N. На тој начин зборот може да се "збие" (компресира) и да се претстави како 4A5C4D. Компресираниот збор има должина 9 и зафаќа помалку место во меморијата.

Зборот може да содржи букви пред кои нема број. Во спротивно, зборот СAABCDEТ би се компресирал во 1С2A1B1C1D1E1Т – т.е. во подолга низа од почетната. За да се избегне ова, пред единичните букви нема да има фактор на кратност. Зборот СAABCDEТ ќе се компресира во С2ABCDEТ.

Направете програма која од стандарден влез ќе прочита еден збор во компресирана форма, и на стандарден излез ќе го отпечати оригиналниот, некомпресиран збор.

Влез

Во првата и единствена линија е запишан еден збор (1 <= должина на збор <= 80), каде N, факторот на кратност е број помеѓу 2 и 9 (2 <= N <= 9) . Сите букви се големи.

Излез

На излез се запишува некомпресираниот збор.

Ограничувања

Временско ограничување: 1 second
Мемориско ограничување: 64 megabytes

Примери

влез
8S4Q7R

излез
SSSSSSSSQQQQRRRRRRR