Мечето Мендо на лист хартија има запишано низа од N природни броеви, и сака да дознае дали таа низа има елемент кој претставува точка на рамнотежа. Точка на рамнотежа на дадена низа е елемент од таа низа за кој што важи својството дека збирот на сите елементи лево од тој елемент е еднаков на збирот на сите елементи десно од тој елемент. Да забележиме дека не е дозволена промена на позициите на елементите.

Формално, точка на рамнотежа на низа A е елемент A_i од низата таков што A₁ + A₂ + … + A_i-1 = A_i+1 + A_i+2 + … + A_N. Доколку не постојат елементи лево или десно од некој елемент, се смета дека соодветниот збир е еднаков на 0.

Влез

Во првиот ред се наоѓа еден број N (1 ≤ N ≤ 100 000), кој го претставува бројот на елементи во низата. Во вториот ред се дадени N броеви A_i (1 ≤ A_i ≤ 10 000), разделени со по едно празно место, кои ја сочинуваат низата.

Забелешка:
За 5% од поените ќе важи N=3.
За дополнителни 35% од поените ќе важи N≤10 000.

Излез

Единствената линија од излезот треба да го даде редниот број i на елементот А_i кој е точката на рамнотежа на низата на Мендо (низата е индексирана со броеви од 1 до N, вклучително). Доколку низата не содржи елемент кој е точка на рамнотежа, треба да се испечати -1.

Ограничувања

Временско ограничување: 1 second
Мемориско ограничување: 64 megabytes

Примери

влез
4    
1 2 3 3

излез
3

влез
1
5

излез
1

влез
5
4 5 1 3 2

излез
-1

Објаснување за првиот тест пример: Третиот елемент А_i=3 е точка на рамнотежа затоа што сумата на елементи лево и десно од тој елемент е иста т.е. 1+2=3.
Објаснување за вториот тест пример: Сумата лево и десно од првиот елемент на низата А_i=5 е 0.