Денес Енисер прочитала многу интересен проблем:
Дадена е низа од N цели броеви. Бројот 3 се смета дека е среќен број, а една подниза се смета за среќна доколку бројот 3 се појавува точно 3 пати внатре во неа. Пресметајте ја должината на најдолгата среќна подниза.

Забелешка: За дадени 2 елемента од дадена низа, подниза е дел од низата кој ги содржи по редослед сите елементи меѓу тие два елемента.

Влез

Во првиот ред даден ви е бројот N (1 ≤ N ≤ 1 000 000) - должината на низата. Во вториот ред се дадени N цели броеви A_i (0 ≤ A_i ≤ 100 000).

Забелешка:
За 25% од поените ќе важи: 1 ≤ N ≤ 100
За дополнителни 25% од поените ќе важи: 1 ≤ N ≤ 1 000

Излез

Во првиот и единствен ред отпечатете го одговорот - должината на најдолгата среќна подниза. Доколку не постои среќна подниза, да се отпечати 0.

Ограничувања

Временско ограничување: 200 milliseconds
Мемориско ограничување: 64 megabytes

Примери

влез
8
1 3 3 2 3 3 1 4

излез
6

Oбјаснување за првиот пример: Поднизата од третиот до осмиот елемент го содржи бројот 3 точно 3 пати и има должина 6.