Во тек на денот, Мендо е зафатен со тестирање на голем број на решенија кои ги испраќаат разни корисници на системот. Бројот на испратени решенија е најголем пред одржување на некој голем настан (како регионален или државен натпревар), кога голем број на ученици вежбаат за да се подготват за што подобар резултат.

Овој број на испратени решенија се намалува во текот на годината, па бидејќи на МОИ учествуваат само најдобрите ученици кои веќе имаат решено голем број на задачи, Мендо има слободно време за решавање и на алгоритамски задачи кои му се интересни нему. Една таква задача која Мендо ја решил неодамна, а откако ни ја кажа нам не заинтересира дали и вие може да ја решите.

Задачата е: На почеток ви е дадена низа од N цели броеви, која претставува пермутација на броевите од 1 до N (на пример, 2, 3, 5, 1, 4). Пермутација претставува секој различен распоред (разместување) на елементите од едно множество. На почетокот, ваквата пермутација од N цели броеви се „пресекува“ на два дела: лев и десен дел, преку поставување на граница (на пример, првите 3 елементи се во левиот дел, а останатите 2 во десниот дел). Напишете програма која ќе открие кој е најмалиот број на чекори кои се потребни за броевите од почетната пермутација да се подредат во растечки редослед, ако секој чекор се состои во следното: се одбира еден елемент од левиот дел и еден елемент од десниот дел и тие си ги заменуваат местата.

Влез

Во првиот ред се запишани два цели броеви N и L (1 <= L < N <= 200 000), кои го означуваат бројот на елементи во почетната пермутација, како и тоа колку елементи има во левиот дел. Нормално, во десниот дел ќе има (N-L) елементи.

Во следниот ред се запишани N цели броеви (1 <= Xi <= N), кои ја дефинираат почетната пермутација.

Забелешка:
Во тест случаи кои носат најмалку 25% од поените, ќе важи N <= 9.
Во други тест случаи кои носат најмалку 13% од поените, ќе важи L = 1.
Во други тест случаи кои носат најмалку 7% од поените, елементите во пермутацијата на почетокот ќе бидат дадени во опаѓачки редослед: N, N-1, … 3, 2, 1.

Излез

Отпечатете го бараниот број на замени.

Ограничувања

Временско ограничување: 500 milliseconds
Мемориско ограничување: 64 megabytes

Примери

влез
5 3
1 2 3 5 4

излез
3

Објаснување за примерот: Во левиот дел има 3 елементи, а во десниот два елементи. Потребни се најмалку три замени:
([1, 2, 3], [5, 4]) ->
([1, 2, 5], [3, 4]) ->
([1, 2, 4], [3, 5]) ->
([1, 2, 3], [4, 5]).