Познат факт е дека дрвјата во својата внатрешност имаат годови, т.е. прстени кои ни ја кажуваат староста на дрвото. Секој прстен претставува една година, па така на пример следново „дрво“ е старо 4 години:

Меѓутоа, не толку познат факт е дека во шумите на Водно постои едно магично дрво. Ова дрво покрај „обичните“ годови има и „магични“ годови, кои ја удвојуваат вредноста на сите внатрешни годови. На пример, дрвото на следната слика лево е старо 4 години бидејќи гледано од внатре нанадвор, имаме 2 „обични“ (на сликата црни) и потоа 1 „магичен“ (на сликата црвен) год. Тоа е (1+1)*2=4. На сликата десно е „истото“ дрво од лево, сега со еден дополнителен магичен год однадвор. Тоа значи дека ова дрво е двојно постаро од дрвото лево, т.е. 4*2=8 години.

Секој „магичен“ год мора да содржи барем еден „обичен“ год во својата внатрешност.

Доколку го знаеме само бројот на „обични“ N и бројот на „магични“ годови K, нам не' интересира која е минималната и максималната можна старост на дрвото кое ги содржи.

Влез

Во првиот и единствен ред е даден бројот на „обични“ годови N (1 ≤ N ≤ 500), и бројот на „магични“ годови K (0 ≤ K ≤ 20), разделени со едно празно место.

Забелешка.
За 7 поени ќе важи: K = 0.

Излез

Во првиот и единствен ред отпечатете два цели броја: најмалата можна старост и најголемата можна старост на дрвото во прашање.

Ограничувања

Временско ограничување: 200 milliseconds
Мемориско ограничување: 64 megabytes

Примери

влез
4 0

излез
4 4

влез
2 2

излез
5 8

Објаснување:
Најголемата старост е случајот опишан погоре. Најмалата старост се добива доколку еден од „обичните“ годови се наоѓа најнадвор и не е во внатрешноста на ниту еден „магичен“ год.