Филип и Јован многу сакаат да играат шах. Секој ден, после училиште, двајцата седнуваат пред шаховската табла и играат по неколку партии.

Филип веќе има доста искуство и често смислува мали финти. Јован, пак, многу се труди, но често паѓа на истата финта — не забележува навреме кога неговиот крал е под закана („шах“) од коњот.

Еден ден Јован решава: „Доста беше! Сакам да вежбам и секогаш да знам кога кралот е под „шах“, а кога не е“. Затоа, Филип му дава задача за вежбање, но на Јован тешко му оди, па сега бара ваша помош.

Коњот се движи така што се поместува 2 полиња во една насока (нагоре, надолу, налево или надесно) и 1 поле во насока што е под прав агол на првата насока. Координатниот почеток е поставен во долниот лев агол од таблата, како што е прикажано на сликите.

За дадена бесконечно голема табла, координатите на кралот (A, B) и координатите на коњот (C, D), отпечатете „DA“ доколку кралот е под закана („шах“) од коњот, а во спротивно отпечатете „NE“.

Влез

Првата линија содржи два цели броеви: A и B (0 < A,B < 10 000), разделени со едно празно место - координатите на кралот.
Втората линија содржи два цели броеви: C и D (0 < C,D < 10 000), разделени со едно празно место - координатите на коњот.
Кралот и коњот секогаш се наоѓаат на различни полиња, т.е. (A, B) != (C, D).

Излез

Во првата линија отпечатете „DA“ ако кралот е под закана („шах“) од коњот, а во спротивно отпечатете „NE“.

Ограничувања

Временско ограничување: 100 milliseconds
Мемориско ограничување: 64 megabytes

Примери

влез
3 4
2 2

излез
DA

влез
3 4
3 3

излез
NE

Објаснување за првиот пример: види ја сликата погоре. Согласно правилата за придвижување, коњот може да се придвижи две полиња нагоре, па едно поле надесно и да стигне до кралот. Според тоа, кралот е под закана („шах“) од коњот.

Објаснување за вториот пример: види ја сликата подолу. Согласно правилата за придвижување, коњот нема начин како да стигне до кралот. Според тоа, кралот не е под закана („шах“) од коњот.