Оваа година за користење на МЕНДО се регистрираа околу 800 корисници. Секој сака да си избере добро корисничко име, арно ама најдобрите (на пр. theking, ladygagac, maxiumumk, mesechko, …) се веќе зафатени. Така, кога ќе пробате да се регистрирате со некое име кое е веќе зафатено, добивате порака дека такво име веќе постои и дека треба да одберете друго.

Сакаме да го усовршиме системот и по примерот на други системи за регистрација да нудиме некаков предлог за име. Се разбира, бидејќи имаме и многу други работи (организација на натпреварите, подготовки на задачи, дипломи, систем за прегледување на решенијата "во живо", ...), одбравме едноставен начин за тоа.

Ако некој корисник го користи името "finki" и некој нов корисник се обиде да го избере истото име, наједноставен предлог од системот би бил "finki1". Ако има и таков, тогаш системот треба да предложи "finki2". Ако се зафатени сите до "finki9", системот треба да предложи "finki10", итн.

Сепак, целта ни е да се даде најмалиот слободен број за таа варијанта. Забележете дека регистрираните корисничките имиња се состојат од мали латинични букви ('a'-'z') и цифри ('0' до '9'), додека корисничкото име кое што првично го избира корисникот е составено само од мали латинични букви.

Помогнете ни. Ако ја знаете листата на сите веќе искористени имиња, и името кое е желба на корисникот кој моментално се регистрира, дајте го името кое треба да му биде предложено според горните правила.

Влез

Во првата линија е запишано корисничкото име со кое новиот посетител сака да се регистрира (составена од мали латинични букви, и не подолго од 30 знаци).

Во втората линија е запишан еден цел број N (1 <= N <= 200), кој го означува бројот на веќе регистрирани кориснички имиња. Во секоја од следните N линии е запишано по едно име од веќе регистрираните кориснички имиња (не подолго од 30 знаци, составено од мали латинични букви и цифри).

Излез

На стандарден излез отпечатете го името кое треба да му биде предложено на корисникот.

Ограничувања

Временско ограничување: 1 second
Мемориско ограничување: 64 megabytes

Примери

влез
mesechko
4
markopolo
matrix
kurbla
aliriza

излез
mesechko

влез
mesechko
8
markopolo
matrix
mesechko1
kurbla
mesechko
aliriza
mesechko3
mesechko4

излез
mesechko2

влез
mesechko
1
mesechko1

излез
mesechko

Помош за оние кои користат C/C++: Еден од начините на претворање на број во string е со помош на функцијата itoa(N). Пример: char buffer[30]; itoa(N, buffer, 10); string str = buffer;

Помош за оние кои користат Pascal: Можете да претворите број во string со помош на функцијата IntToStr(N) – претходно треба да додадете "uses sysutils" на почетокот на програмата.