Шах
Трајко одлучил да научи да игра шах. Пред да започне со сериозни игри, тој мора прво да научи како да ги движи фигурите. На Трајко најтешко му е да запамети како се движи фигурата коњ, која може да прави движења во форма на буквата Г – две полиња хоризонтално и едно поле вертикално, или две полиња вертикално и едно поле хоризонтално. Коњот се разликува од останатите фигури, по тоа што тој ги прескокнува сите полиња до крајната позиција (види ја сликата за подетални информации).
Шаховската табла е составена од 8x8 полиња, по редици обележани со цифрите од 1 до 8, а по колони со малите букви од англиската азбука – а до h. Притоа, позицијата на една фигура на шаховската табла се означува со подредениот пар C R, каде C (a <= C <= h) ја означува колоната, додека R (1 <= R <= 8) го означува редот на кој се наоѓа фигурата на шаховската табла.
![]() |
Во сликата дадена погоре коњот се наоѓа на позиција (е 4). Позициите кои тој ги напаѓа се означени со кругчиња со црвена боја. Приметете дека, на пример, позицијата (е 5) не е нападната од коњот (тој ги прескокнува сите полиња до крајната позиција).
Напишете програма која за дадена позиција на еден коњ, и позициите на N противнички фигури, ќе пресмета и отпечати колку од N-те противнички фигури се нападнати од коњот.
Влез
Во првата линија е запишана една мала буква од англиската азбука C (a <= C <= h), и една цифра R (1 <= R <= 8), кои ја означуваат колоната и редот на кој се наоѓа коњот, соодветно. Во втората линија е запишан еден цел број N (1 <= N <= 16), кој го означуваат бројот на противнички фигури кои ги разгледуваме.
Во секој од следните N редови се запишани по една мала буква од англиската азбука Mi (a <= Mi <= h), и една цифра Ki (1 <= Ki <= 8) - кои ја означуваат колоната и редот на кој се наоѓа i-тата противничка фигура, соодветно. Сите N редови ќе содржат различни позиции, и нема да постои противничка фигура која се наоѓа на позицијата C R (каде што се наоѓа коњот).
Излез
На стандарден излез отпечатете колку, од N-те противнички фигури, се нападнати од коњот.
Ограничувања
Временско ограничување: 1 second
Мемориско ограничување: 64 megabytes
Примери
влез e 4 10 c 5 d 6 f 6 g 5 g 3 f 2 d 2 c 3 e 5 a 1 | излез 8 |
влез h 1 5 g 1 h 2 g 2 f 2 g 3 | излез 2 |
Објаснување за првиот пример: Коњот се наоѓа на позиција (е 4), како што е означено на сликата. Осумте фигури кои ги напаѓа се наоѓаат на позициите означени со црвено кругче (на истата слика). Дополнително, во примерот има уште две фигури – на позициите (e 5) и (a 1), кои не се нападнати од коњот.