Редоследно разложување на еден број е претставување на тој број преку збир од последователни природни броеви.

На пример, бројот 21 може да се претстави како 6+7+8, или 1+2+3+4+5+6 или 10+11, а и разложувањето со само еден собирок (самиот тој број) ќе го сметаме како редоследно разложување, т.е. 21.

Има и други разложувања на 21 како 2+3+7+9, ама тоа очигледно не е редоследно. Така, 21 има точно 4 редоследни разложувања (погоре дадените).

Во оваа задача, од дадена низа на броеви, треба да го најдете оној кој што има најголем број на редоследни разложувања. Ако има повеќе броеви со ист најголем број на редоследни разложувања, отпечатете го најмалиот од нив. Покрај бројот, треба да се отпечати и бројот на негови редоследни разложувања.

Влез

Во првиот ред е запишан еден број N (2 ≤ N ≤ 1000) – бројот на броеви кои ќе се проверуваат.
Во вториот ред се запишани N позитивни цели броеви, помали од 2 000 000 000, одделени со по едно празно место.
За 50% од поените, броевите дадени на влез нема да надминуваат 1 000.

Излез

Во првиот ред отпечатете 2 цели броја, одделени со празно место: бројот со најголем број на редоследни разложувања и бројот на негови редоследни разложувања.

Ограничувања

Временско ограничување: 1 second
Мемориско ограничување: 64 megabytes

Примери

влез
2
21 30

излез
21 4

влез
3
17 30 20

излез
30 4